Арбитрын тухай хууль, Биеийн тамир, спортын тухай хууль, Үндэсний баяр наадмын тухай хууль, хуулийг тайлбарласан Улсын дээд шүүхийн тогтоол, тухайн спортын дүрэм, журам, НҮБ-ын олон улсын арилжааны эрхийн комиссоос гаргасан арбитрын “Загвар хууль”, Олимпын Харт, дэлхийн бусад орнуудын арбитрын хэрэг шийдвэрлэж буй нийтлэг жишиг, олон улсын спортын харилцааны ёс, зан заншил, уламжлал зэрэг нь хэрэг маргааныг шийдвэрлэх эрх зүйн хэм хэмжээ, харгалзах эх сурвалж болно.

Мөн зөвхөн талууд шууд эрх олгосон онцгой тохиолдолд арбитрын бүрэлдэхүүн аливаа хуулийг хэрэглэхгүйгээр, шударга гэж үзсэн ёс зүйн хэм хэмжээ, амьдралын хар ухааны зөв сургамжит ухагдахуун, ардын ухаалаг ур дүй, тухайн улс гүрний зан заншилд нийцүүлэн маргааныг шийдвэрлэж болно.